مارجرجس هو الى خففنى †

المعجزه ديه حصلت معايا ببركة مارجرجس بس انا أتأخرت انى اقولها معلش †

انا كان عندى حصوه فى المراره من و انا فى خمسه ابتدائى و كان الوجع ربنا ما يوريكوا بجد و لا اى أدويه بتنفع و تلت تربع الاكل ممنوع و انا اصله طفله صغيره و انا شفيعى من وانا صغيره مارجرجس
الحصوه كانت محتاجه عمليه بس معملتهاش و روحت لمارجرجس فى مصر القديمه
و حطات الحديده الى كان بيتعذب بيها على مكان الحصوه
و من سعتها موجعتنيش تانى من اليوم ده و معملتش العمليه و الحصوه و لا كأنها موجوده اصلا
† و وقف جنبى كتير اوى فى أكتر من موقف و مش بيتأخر †

طلبه منكوا طلب و متنسهوش معلش صلوا لأختى لانها طلع عندها نفس الحصوه و فى المراره برضو بس ديه اخطر بسبب حجمها صلولها بجد †

† بركة مارجرجس معاكوا كلكوا †